ՍԵՒԱԿ ԱՐԱՄԱԶԴ, «ԻՆՔԸ»

«Ինքը» վէպում փորձ է արւում վերստեղծելու իրականութեան կենսական տարերքը։ Հեղինակի խնդիրը ոչ այնքան գեղագիտական է, որքան ճանաչողական․ նա փորձում է ցոյց տալ, թէ ինչպէս է գոյանում կեանքը։

«Ինքը» խորագիրը նշում է կենսական ճշմարտութեան եւ այդ ճշմարտութեան գրողական ընկալման առաւելագոյն հարազատութիւն, այսինքն՝ ինքը՝ կեանքը, ինքը՝ ժամանակը, ինքը՝ մարդը, ինքը՝ գրողը։ Գրականութիւնը հասցնել կեանքին՝ սա՛ է հեղինակի ստեղծագործական հաւատամքը։